ПАРТНЕРИ

Александар иновациска зона С.А. е управувачкото тело што го презеде управувањето и развојот на Солунската иновациска зона. АИЗ е основана со цел да го трансформира Солун во меѓународен центар за развој на знаење и претприемништво базирано на знаење со цел да собере критична маса на компании засновани на нови технологии и иновации во географски дефинираните области на Солун.

ЈИЕЦИ е истражувачки центар на CITY колеџ, Меѓународен факултет на Универзитетот во Шефилд, основан како непрофитно, правно лице во Солун, Грција, во 2003 година. Врши мултидисциплинарно истражување во областа на претпријатија, иновации и развој, информациски & комуникациски технологии и општествен и човечки развој. Мисијата на ЈИЕЦИ е да го поддржи стабилниот и непречен развој на Југоисточна Европа преку спроведување на применето истражување низ и за регионот.

Технополис Солун ИКТ- бизнис парк за висока технологија е основан со цел да се воспостави првиот високо-технолошки деловен парк во Грција и да се решат некои проблеми на компаниите во овој сектор, како и со цел создавање мрежа на модерна инфраструктура и можности за инвестирање.

Универзитетот за информатички науки и технологии (УИСТ) „Св. Апостол Павле“ е државен универзитет, лоциран во Охрид и е рангиран на 4-то место од 20 универзитети и високообразовни институции во државата.

Мисијата на НЦРИПУ е промоција, поддршка и развој на иновациите и претприемачкото учење, со цел намалување на невработеноста преку формирање нови иновативни бизниси и зајакнување на секторот на мали и средни претпријатија преку зајакнување на капацитетите за иновации и технолошко знаење во националната економија.

ПСМ Фондација има за цел стимулирање на развојот на претприемништвото и младинската вработеност преку јакнење на вештините и компетенциите за (само) вработување, младинска ангажираност, програми за колаборативно партнерство и лидерски платформи за поттикнување промени и застапување.